Mbrëmjen e sotme në lagjen nr. 6 në Korçë, një sherr u shkaktua mes dy personave. Pas një konflikti për motive të dobëta, Altin Sali, 49 vjeç, dyshohet se ka goditur me sende të forta në kokë një 55-vjeçar.

Personi i plagosur është dërguar në spital për trajtim mjekësor dhe raportohet se ka qenë në gjendje të dehur.

Autori i dyshuar është shoqëruar në komisariat për veprime të mëtejshme procedurale. Grupi hetimor po punon për të sqaruar rrethanat e ngjarjes.