Një lojë domino ka përfunduar në sherr të dhunshëm mes dy të moshuarve në qytetin e Durrësit, duke çuar në plagosjen me thikë të njërës prej palëve.

Ngjarja ndodhi pak minuta më parë pranë sheshit “Pranvera”, në lulishten përballë Postës Shqiptare. Pas debatit të ashpër, njëri prej të moshuarve goditi me thikë kundërshtarin e tij.

I plagosuri u transportua me urgjencë në spital dhe sipas burimeve mjekësore ndodhet jashtë rrezikut për jetën.

Autori i ngjarjes është shoqëruar nga policia dhe po merret në pyetje për të zbardhur shkaqet e konfliktit që nisi nga një lojë domino.