Policia e Durrësit ka arrestuar 64-vjeçarin Milto Çuni, i cili dyshohet se ka përplasur për vdekje 39-vjeçarin P. P., në lagjen nr. 15 të Durrësit. Aksidenti ndodhi më 24 dhjetor 2024, rreth orës 17:30, kur Çuni, duke drejtuar një kamion, goditi viktimën dhe u largua menjëherë nga vendngjarja.

Pas disa orësh kërkimesh dhe shqyrtimit të kamerave të sigurisë, Policia ka arritur të identifikojë dhe lokalizojë autorin e aksidentit. Çuni është arrestuar për veprat penale “Shkelja e rregullave të qarkullimit rrugor” dhe “Largimi nga vendi i aksidentit.” Po ashtu, kamioni i tij është bllokuar si provë materiale.

Materialet janë kaluar në Prokurori për hetime të mëtejshme.