Një 20-vjeçar dhe dy shtetas të mitur janë arrestuar në Shkodër, pasi akuzohen për vjedhjen e një çante me para dhe sende personale në një berberhane në lagjen “Perash”.

Ngjarja u raportua pas një kallëzimi nga pronari i berberhanes, i cili tha se çanta ishte vjedhur nga tre shtetas. Pas hetimeve të shpejta dhe operacionit “Door”, policia arriti të identifikonte dhe arrestonte autorët e dyshuar.

Shtetasi K. P., 20 vjeç, dhe dy të mitur të moshës 17 vjeçare, janë vënë në pranga dhe materialet janë dërguar në Prokurorinë e Shkodrës për veprime të mëtejshme për veprën penale “Vjedhja”, kryer në bashkëpunim. Hetimet për vjedhje të tjera të mundshme janë në vijim.