Një ngjarje tragjike ka ndodhur sot në lagjen “Guerile” të Shkodrës, ku një 47-vjeçar ka humbur jetën në oborrin e banesës së tij.

Viktima, i identifikuar me inicialet P. L., dyshohet se ka rënë në kontakt me energjinë elektrike në momentin që po kryente disa punime. Ai është gjetur pa shenja jete nga familjarët, të cilët njoftuan menjëherë autoritetet.

Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave të këtij rasti të rëndë.