Mëngjesin e kësaj të hëne, një ngjarje e rëndë ka tronditur Shkodrën, ku një person është plagosur rëndë nga një autor i dyshuar që ka kryer sulmin me armë zjarri. Ngjarja ka ndodhur në zonën e këmbimit valutor, ku persona ende të paidentifikuar kanë qëlluar me pistoletë në drejtim të të plagosurit.

Autori i dyshuar, që ka lëvizur në biçikletë, është larguar nga vendngjarja pas sulmit. Policët janë në vendin e ngjarjes dhe po kryejnë hetimet Deri më tani nuk dihen motivet e ngjarjes në fjalë, ndërsa policia ndodhet në vendngjarje. Raportohet se i plagosuri ndodhet në gjendje të rëndë.
Burime bëjnë me dije se autori ndodhej në biçikletë, ndërsa ka qëlluar me pistoletë dhe ka ikur në drejtim të kryqëzimit të ish-degës në Shkodër.

Mësohet se policia po ndjek autorin e dyshuar, i cili ka qëlluar 4 herë me pistoletë, ndërsa i plagosuri ndodhet në gjendje të rëndë.

I plagosuri, identiteti i të cilit nuk dihet, është transportuar me urgjencë në spital.