Shkodra i ka bërë nderimet e fundit dirigjentit të njohur Kujtim Alija. Bashkia ka organizuar sot një kortezh në kujtim të dirigjentit, i cili u nda nga jeta një ditë me parë nga një sëmundje e rëndë në moshën 60-vjeçare.

Kortezhi i muzikantit parakaloi nga qendra kulturore e fëmijëve, ku ai kontribuoi për shumë vite, deri tek Teatri Migjeni, shoqëruar nga banda frymore e qytetit verior.

Familjarë, të afërm, miq të muzikës dhe qytetare te Shkodrës bashke me bandën frymore shoqëruan kortezhin në nderim të emrit te madh te muzikës shqiptare, Kujtim Alija.

Dirigjenti i njohur, ka qenë organizator për shumë vite i Festivalit mbarëkombëtar të fëmijëve si dhe drejtues i Qendrës Kulturore të Fëmijëve në Shkodër.