27.5 C
Tiranë
Saturday, July 26, 2025
spot_img

“Shoqëria ka borxh ndaj minatorëve” – Berisha Premton Statusin e Minatorëve dhe Rritjen e Rrogave në Bulqizë

Kryetari i Partisë Demokratike, Sali Berisha, ka zhvilluar një takim elektoral në Bulqizë, ku ka theksuar angazhimin e tij për këtë komunitet të rëndësishëm. Gjatë fjalës së tij, Berisha ka paraqitur një mesazh të fortë për minatorët e Bulqizës, duke u shprehur se Shqipëria dhe shteti shqiptar kanë qenë të padrejtë ndaj tyre për dekada me radhë. Ai ka nënvizuar se minatorët e Bulqizës kanë kontribuar në mënyrë të jashtëzakonshme për ekonominë e vendit, por asnjëherë nuk janë shpërblyer për sakrificat dhe punën e tyre të palodhur.

“Dua të përulem me shumë nderim para jush, burra dhe gra të Bulqizës, për kontributin e jashtëzakonshëm që keni dhënë në ekonominë, shkencën, dijet, arsimin dhe kulturën e këtij vendi. Shoqëria shqiptare, shteti shqiptar kanë qenë të padrejtë ndaj jush. Keni derdhur lumenj djerse nëntokë, në kushte shumë të vështira, dhe shpesh herë keni sakrifikuar jetën, por nuk jeni shpërblyer për asgjë,” u shpreh Berisha.

Në vijim, ai ka premtuar një plan konkret për minatorët, duke theksuar se shoqëria ka një borxh të madh ndaj tyre, si dhe ndaj pronarëve dhe të përndjekurve politikë. “Shoqëria ka borxh të madh ndaj minatorëve. Siç ka borxh ndaj pronarëve dhe ndaj të përndjekurve politikë. Tre janë kategoritë ndaj të cilave shoqëria shqiptare ka detyrime,” tha Berisha.

Kryetari i PD-së ka garantuar se në 100 ditët e para të qeverisjes së tij, do të firmoset dhe zbatohet statusi i minatorit, që do të sjellë përfitime konkrete për këtë kategori. “Do të parashikohet një rrogë minimale prej 1 mijë eurosh për minatorët, dhe pensionet tuaja do të jenë më të lartat në Shqipëri,” deklaroi Berisha. Ai ka shtuar se do të marrë masa për të lehtësuar sipërmarrësit dhe do të ulë taksat për ta, duke i ofruar çmime më të ulëta për energjinë.

Po ashtu, Berisha ka theksuar se Bulqiza dhe Shqipëria kanë pasuri minerale të mëdha, duke përmendur kromin si një prej burimeve të rëndësishme për zhvillimin e vendit. “Bulqiza ka rezerva të mëdha të kromit. Janë bërë studime nga kompanitë më të mëdha në botë, dhe janë akoma 22 milionë ton për t’u shfrytëzuar. Shqipëria ka pasuri të jashtëzakonshme minerale, dhe ne do të bëjmë gjithçka për t’i shfrytëzuar ato,” përfundoi Berisha.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Vlora përballet me ndërprerje energjie, Lungomarja mbetet pa drita në kulmin e sezonit turistik

0
Prej disa orësh, disa zona të qytetit të Vlorës, përfshirë edhe Lungomaren – një nga destinacionet më të frekuentuara gjatë verës – janë pa...

Zjarr masiv në Borsh, flakët i afrohen banesave – era pengon ndërhyrjen

0
Një vatër e madhe zjarri ka përfshirë sot një masiv kodrinor në zonën turistike të Borshit, duke krijuar panik mes banorëve dhe pushuesve. Flakët po...

Albi Alla lë Flamurtarin dhe transferohet te PO Atsaleniou në Greqi

0
Pas një sezoni pozitiv me Flamurtarin, ku kontribuoi në ngjitjen e skuadrës vlonjate në Superiore, mbrojtësi shqiptar Albi Alla ka marrë një vendim surprizues...

“Dëgjova zërin e babit, por më thanë që kishte vdekur” – rrëfimi i Kristiola...

0
Pas ceremonisë mortore të të atit, Anesti Rama, e shoqëruar nga dhimbja për humbjen dhe tronditjen nga arrestimi i nënës dhe motrës së saj,...

Brigitte Macron i shkon deri në fund betejës ligjore për thashethemet rreth identitetit të...

0
Thashethemet për identitetin e supozuar transgjinor të zonjës së parë të Francës kanë qarkulluar prej vitesh në rrjetet sociale, por këtë herë Brigitte Macron...