Në një reagim të postuar në rrjetet sociale, Enkelejd Alibeaj ka shprehur qëndrimin e tij lidhur me Reformën Zgjedhore dhe përgjigjen ndaj deklaratës së Gazment Bardhit.

Alibeaj shprehet se Komisioni i Reformës Zgjedhore nuk duhet të jetë vendi ku bëhet show politik dhe se opozitarizmi nuk është një çertifikatë që mund ta shpërndajë dikush. Ai thekson se rregullat e lojës janë caktuar që nga fillimi i procesit të reformës dhe secila parti dhe fluks opozitar është mirëpërfaqësuar në këtë komision.

Alibeaj gjithashtu përmend që PD ka mbështetur dhe ka propozuar ndryshime për të mbrojtur interesat e qytetarëve shqiptarë dhe për të siguruar zgjedhje të ndershme. Ai rikujton disa nga propozimet e PD-së, duke përfshirë listat e hapura, një zonë elektorale për Shqipërinë, votën për diasporën dhe votimin dhe numërimin elektronik.

Statusi i plotë:

Komisioni i reformës zgjedhore nuk është vendi ku bëhet show politik, qoftë edhe për të shkuar drejt rrugës së shpresës. Opozitarizmi nuk është çertifikatë që të mund ta shpërndajë dikush. Rregullat e lojës janë ato të caktuara, që kur u nis procesi i reformës. Aty, çdo parti dhe fluks opozitar është i mirëpërfaqësuar, me kërkesë të vetë PDSH. Secili ka të drejtë dhe detyrim të marrë pjesë, të ulet, të punojmë e të bëjmë propozime opozitare bashkë. Ashtu siç PD ka bërë deri më tani, për të mbrojtur interesat e qytetarëve shqiptarë dhe zgjedhjet e ndershme: me lista të hapura, Shqipëria 1 zonë elektorale, votë për diasporën dhe votim&numërim elektronik. Rregullat nuk ndryshojnë sa herë që ndonjë deputet ndryshon qendrim.

PD është e vendosur pë reformë zgjedhore për shqiptarët!