Shpërthimi me tritol gjatë mbrëmjes së djeshme në Tiranë, ka shkaktuar dëmetëshumta materiale në dyqanin e kozmetikës të shtetases, Enisa Pirolli.

Ende nuk dihen autorët e vendosjes së lëndës plasëese, shpërthimi i të cilës u ndje në disa zona të kryeqytetit.

Në vendngjarje ka mbërritur edhe vetë pronarja e këtij biznesi e cila ka qëndruar aty për disa orë dhe më pas është shoqëruar në polici për t’u marrë në pyetje lidhur me konfliktet që ajo mund të ketë pasur dhe dyshimet mbi persona të caktuar që mund të kenë vendosur këtë sasi tritoli.

Kjo zonë është e mbipopulluar dhe rreth zonës janë sekuestruar pamjet e sigurisë për të hetuar lëvizjet e autorëve. Janë rreth 15 kamera sigurie të sekuestruara.

Fatmirësisht nuk ka pasur dëme materiale në bizneset e tjera përreth.

Njoftimi i Plotë:

Tiranë/Informacion paraprak

Më datë 19.10.2022, reth orës 00:15, në rrugën “Sami Frashëri”, në dyqanin kozmetik të shtetases E. P., dyshohet se ka shpërthyer një sasi lëndë plasëse.

Si pasojë ka vetëm dëme materiale.