7 persona ndodhen në gjendje kritike për jetën, pas një shpërthimi të fuqishëm të ndodhur në qendër të Parisit këtë të mërkurë. Deri më tani raportohet për të paktën 16 të plagosur.

Shpërthimi, që dyshohet të ketë ardhur si pasojë e rrjedhjes së gazit, ndodhi rreth orës 17:00 në një ndërtesë ngjitur me kishën Val de Grâce, në Rue Saint-Jacques. Sipas asaj që shkruan BBC, e gjithë fasada e një ndërtese ra në tokë, ndërsa disa ndërtesa u përfshinë nga flakët.

Në vendin e ngjarjes ndodhen aktualisht forca të shumta policore, mjekë dhe rreth 200 zjarrfikës.

Banorë thanë për mediat vendase se kishin dëgjuar dy shpërthime të fuqishme, ndërsa para tyre kishin ndjerë një erë të fortë gazi.