Detaje të reja janë zbuluar lidhur me shpërthimin e regjistruar më 26 shkurt në zyrën noteriale të Fran Gjonit në Lezhë. Burime nga hetimet bëjnë me dije se ngjarja është e përfshirë nga dy autorë të dyshuar, të cilët kanë përdorur tritol me fitil që e kanë hedhur direkt nga makina.

Nga pamjet e sigurisë janë konstatuar dy persona, njëri prej të cilëve ka qenë shofer dhe tjetri ka kryer hedhjen e tritolit pranë shkallëve të zyrës noteriale. Autorët e dyshuar ishin maskuar si persona të moshuar dhe kanë përdorur një automjet tip BMW të aksidentuar dhe të pa përdorur, por të pajisur me targa të vjedhura.

Dyshohet se pas shpërthimit, autorët kanë lënë qytetin e Lezhës dhe janë larguar drejt zonave të tjera. Hetimet vijojnë për të zbardhur më tej motivet e ngjarjes dhe identitetin e autorëve.