Pas shpërthimit të një lënde plasëse pranë banesës së Jozefin Markut, ish-banor i Big Brother VIP Albania, policia ka marrë dëshminë e babait të tij, i cili ka mohuar të ketë pasur ndonjë konflikt personal, ndërsa nuk ka dijeni për ndonjë problem që djali i tij mund të ketë pasur.

Nga shpërthimi janë regjistruar vetëm dëme të vogla materiale, ndërsa sipas policisë, objektivi kryesor ishte të frikësohej Jozefin Marku. Lënda plasëse shpërtheu pranë banesës së një komshijeje, e cila rezulton se nuk ka pasur konflikte me këngëtarin.

Jozefin Marku nuk ishte në banesë gjatë ngjarjes dhe nuk është marrë në pyetje. Policia po vijon të analizojë të gjitha konfliktet e mundshme që ai ka pasur.

Këngëtari u bë i njohur për publikun pas pjesëmarrjes në BBV, ku u përfshi edhe në një incident të rëndë duke goditur me shpullë një tjetër konkurrent.