Një sasi tritoli ka shpërthyer pak para se të zbardhej në banesën e shefit të krimeve të Komisariatit në Shkodër, Pëllumb Shpati. Ngjarja ka ndodhur rreth orës 03:50 në lagjen Dobraç, ku si pasojë janë dëmtuar muret e banesës së tij por edhe automjeti i 49-vjeçarit. Pllumbi jetonte së bashku me dy vëllezërit e tij në të njëjtën banesë, ishin në total 17 anëtarë.

Për shkak të detyrës e ka cilësuar i ati i shefit të krimeve në Shkodër, Pllumb Shpatit motivin e shpërthimit në banesën e tij pak para se të zbardhej. Gjergj Shpati shprehet se dëmet janë kudo në dyer, driatare e fasadë. Në banesën e Pllumb Shpatit jetonin 3 familje, 17 anëtarë. Babai i tij thotë se nuk kanë asnjë konflikt dhe se së fundmi djali i tij nuk ka patur asnjë kërcënim.

“Kam dalë dhe kam dëgjuar krismën kam dalë dhe e kam parë. Ne jetojmë këtu 3 familje, ishte i fuqishëm, të kallxojnë vetë shikoni dëmet. Ka dëme në dritare, dyer, fasadë…

Se dimë nga erdhi, se priti kush.