Detaje të tjera janë zbardhur në lidhje me shpërthimin e ndodhur një natë më parë në zonën e “Don Boskos” në Tiranë.Në banesën e shtetasit Aranit Beqiri është hedhur lëndë shpërthyese, tritol. Nga pamjet e sigurisë ka rezultuar që tritoli është hedhur nga një person i cili ka qenë i maskuar me kapuç në kokë. Shpërthimi ka ndodhur në oborr dhe, fatmirësisht, nuk ka shkaktuar dëme materiale.

Ende nuk janë zbardhur motivet e ngjarjes, pasi Aranit Beqiraj, i cili është subjekt i hetimeve, nuk ndodhet në Shqipëri dhe është jashtë vendit. Për sa i përket pronës, nuk janë raportuar konflikte të mëparshme, megjithatë, Beqiri është proceduar nga policia para disa muajsh për ndërtim pa leje, pasi ka nisur rikontruksionin e shtëpisë pa leje.

Njoftimi i Policisë

Më datë 06.11.2024, rreth orës 19:50, në rrugën “Robert Naci”, në oborrin e një banese në ndërtim në pronësi të shtetasit A. B., është dëgjuar një shpërthim i ngjashëm me lëndët plasëse ose lëndët piroteknike. Si pasojë e shpërthimit, janë thyer xhamat e katit të tretë të një banese tjetër private. Grupi hetimor ka mbërritur në vendngjarje dhe po vazhdon punën për sqarimin e rrethanave të ngjarjes.