Ministri i Drejtësisë, Besfort Lamallari, priti sot nënsekretarin e Përgjithshëm të Kombeve të Bashkuara dhe administratorin në detyrë të UNDP, Haoliang Xu, për të diskutuar mbi forcimin e bashkëpunimit dhe avancimin drejt Objektivave të Zhvillimit të Qëndrueshëm, në kuadër të procesit të anëtarësimit të Shqipërisë në Bashkimin Europian.

Gjatë takimit, Lamallari vuri në pah mbështetjen e rëndësishme të UNDP dhe Austrian Development Agency në ngritjen dhe përforcimin e sisteminit të Ndihmës Juridike Falas. Ai theksoi se ky sistem ka siguruar një akses gjithëpërfshirës dhe të qëndrueshëm në drejtësi për shtresat në nevojë, duke bërë Shqipërinë një shembull rajonal suksesi në këtë fushë.

Ministri gjithashtu nënvizoi angazhimin e qeverisë shqiptare për të vazhduar bashkëpunimin në projekte të tjera që lidhen me drejtësinë sociale dhe gjinore, si dhe me forcimin e kapaciteteve profesionale të ofruesve të shërbimeve juridike.