Shqiptarët Armand Tafa, 40 vjeç dhe Migen Emilova, 36 vjeç, janë dënuar me nga 27 vite burgim nga drejtësia britanike pasi akuzohen se kanë vrarë një trafikant droge me të cilin kishin rivalitet në veprimtarinë kriminale.

Viktima e tyre ishte Stefan Moraru, 44 vjeç, i cili u zënë pritë në periferi të Londrës veriore më 20 mars 2023.

Armand Tafa dhe Migen Emilova kishin marrë masa për t’i grabitur drogën dhe paratë që kishte me vete.

Viktima ndërroi jetë nga një goditje me thikë në zemër. Oficerët e policisë gjetën trupin e Moraru makinë të braktisur në një rrugë Chandos Avenue, Barnet, ku pronat mund të arrijnë mbi 1 milion paund.

Mediat e huaja raportojnë se pas grabitjes, shqiptarët morën paratë dhe i shpenzuan ato në shtëpi publike me punonjëse seksi dhe për të blerë kokainë.