Një operacion i përbashkët i policisë greke dhe shqiptare ka çuar në arrestimin e 10 persona dhe shpalljen në kërkim të 9 të tjerësh në Korfuz. Grupi dyshohet se ka operuar si një organizatë kriminale e specializuar në trafikimin e kokainës.

Drejtuesit kryesorë të kësaj bande janë identifikuar si një shqiptar 38-vjeçar dhe një 45-vjeçare. Ata përballojnë akuza për krijimin, drejtimin dhe anëtarësimin në një organizatë kriminale me qëllim trafikimin e kokainës. Operacioni policor, që zgjati për dy ditë, çoi në arrestimin e 5 shqiptarëve dhe 5 grekëve, duke përfshirë edhe një ish-polic në mes të tyre, i cili kishte qenë arrestuar më parë për grabitje në vitin 2020.

Operacioni ka zbuluar një rrjet të gjerë trafikimi droge, duke përfshirë 9 anëtarë të tjerë që janë shpallur në kërkim. Mes tyre janë 3 të burgosur me role të ndryshme në organizatë, si dhe 26 persona të tjera që janë përfshirë në blerjen e lëndëve narkotike nga ky grup kriminal. Drejtuesi shqiptar konsiderohet përgjegjës për organizimin e trafikut të drogës dhe koordinimin e veprimeve të anëtarëve të tjerë të grupit.