Shqiptari Alban Dervishi, zyrtar ekzekutiv shqiptaro-amerikan i anijes luftarake të SHBA-ve, USS Pearl Harbor, është planifikuar të marrë komandën e kësaj anijeje në qershor 2025. Lajmin e ka bërë të ditur Ambasada e SHBA në Tiranë, e cila ka shpërndarë një video ku Dervishi flet në gjuhën shqipe për karrierën e tij në marinën amerikane.

Në videon e shpërndarë, Alban Dervishi, i cili ka lindur në Tiranë dhe është rritur në një familje ushtarake, tregon për rrugëtimin e tij të jashtëzakonshëm. Ai thekson se ka lundruar me anijet amerikane në çdo det të botës dhe ka marrë pjesë në operacione ushtarake të vështira, përfshirë ato në Afganistan dhe Irak.

Dervishi ka emigruar në Shtetet e Bashkuara 25 vjet më parë, ku ka ndjekur ëndrrën amerikane. Ai e nisur karrierën si marinar i thjeshtë dhe ka pasur mundësinë të shërbejë në 7 anije të ndryshme ushtarake.

“Jam shumë krenar që këtë qershor do të marr komandën e USS Pearl Harbor. Është një nder i madh dhe mezi pres të kryej këtë detyrë”, thotë Alban Dervishi. Ai gjithashtu shton se çdo herë që i pyesin për prejardhjen e tij, ai është gjithmonë krenar t’i thotë se është shqiptar.

Një shembull frymëzues për shqiptarët dhe emigrantët në SHBA