Një ngjarje e rëndë ka ndodhur në Greqi ku një grua ka qëlluar me armë zjarri ish-bashkëshortin e saj në sy të fëmijës së tyre 13-vjec i cili ndodhet në gjendje kritike për jetën. Ngjarja ndodhi në rrugën “Filikis Eterias”, në Chalandri, të Greqisë.

Bëhet fjalë për shtetasen me origjinë nga Shqipëria,  Klodiana Celo Pavlidou, e cila menjeherë është arrestuar nga policia. Ajo e ka pritur bashkëshortin e saj teksa po merrte nga shkolla vajzën e tyre 13-vjeçare.

Ajo e ka qëlluar me armë zjarri disa herë në bark bashkëshortin, me të cilin ndodhej në një proces gjyqësor për sa i përket kujdestarisë së fëmijës dhe detyrimeve që rrjedhin prej saj. I plagosuri, i cili ndodhet në spital dhe po lufton për jetën, është identifikuar si Jorgos Neos, mjek okulist i njohur në Athinë.

Fqinjët pohojnë se gruaja nga Shqipëria e shqetësonte shpesh, bashkëshortin e saj, me shumë gjasa, siç kishte thënë viktima, për faktin se nuk e lejonte ta shihte fëmijën për shkak të karakterit të çrregullt.