Shtetet e Bashkuara përshëndetën miratimin nga Komiteti i Punëve të Jashtme të protokollit për anëtarësimin e Suedisë në NATO, duke theksuar mbështetjen e presidentit Biden për modernizimin e flotës turke F-16.
Departamenti i Shtetit vlerësoi hapin e fundit të Turqisë drejt anëtarësimit të Suedisë në NATO, por nuk bëri deklarata për sistemet e armëve derisa Kongresi u njoftua zyrtarisht për F-16.
Sekretari i Përgjithshëm i NATO-s, Jens Stoltenberg, gjithashtu përshëndeti miratimin e protokollit të pranimit nga Komiteti i Punëve të Jashtme.
Turqia dhe Hungaria janë dy anëtarët e fundit të NATO-s që nuk e kanë ratifikuar ende anëtarësimin e Suedisë. Ministri i Jashtëm i Suedisë, Tobias Billström, ka shprehur.
“Drita jeshile” nga Turqia
Më herët të martën (26/12 ) Komiteti i Punëve të Jashtme i Asamblesë Kombëtare të Turqisë dha dritën jeshile për miratimin e protokollit të anëtarësimit të Suedisë në NATO .
Gjatë takimit të kryesuar nga deputeti i partisë në pushtet Fuat Oktay, zëvendësministri i Jashtëm Burak Aksapar informoi Komisionin për procesin e anëtarësimit të Suedisë në NATO dhe deputetët shprehën pikëpamjet e tyre për projektligjin.
Projektligji përkatës është pranuar nga Komisioni për Punë të Jashtme , raporton Anadolu.
