Seanca në Gjykatën e Lartë të Drejtësisë për ish-kryeministrin Berisha është shtyrë për nesër, ora 11:00, pasi SPAK ka kërkuar një masë më të ashpër, arrest shtëpie, duke e argumentuar se ai nuk ka respektuar detyrimin e mëparshëm për tu paraqitur.

Avokatët kanë kërkuar përjashtim të gjyqtares Irena Gjoka, duke paraqitur provat e shkarkimit të saj në 1996 nga Berisha. SPAK ka lexuar kërkesën për zëvendësim masash, ndërsa avokatët kanë kërkuar kohë për të njohur me provat që SPAK ka për moszbatimin e masës së sigurisë.

Berisha ka kundërshtuar masën fillestare për detyrim paraqitje, duke e quajtur antikushtetuese dhe duke pretenduar se SPAK nuk kishte autorizim paraprak nga Kuvendi. SPAK e mbajti qëndrimin se masa ishte një kufizim, jo një heqje lirie.