Zjarri i cili përfshiu fshatin Palokastër është vënë në kontroll në orët e vona të natës.

Falë ndërhyejes së PMNZSH të Gjirokastrës flakët janë shuar, ndërsa janë djegur gati 5 hektar kullotë. Përgjatë 14 orëve është shkaktuar një bilanc i rënduar i djegieve të kullotave dhe drurëve frutore sidomos në fshatrat, Qesarat, Dhoksat dhe Valare. Në këtë aksion u angazhuan 30 forca zjarrfikëse nga repartet e Gjirokastrës, Dropullit e Libohovës  me 5 pesë mjete të zjarrfikëses.Po ashtu u angazhuan 20 forca të ushtrisë si edhe 20 punonjës të Bashkisë së Gjirokastrës të cilët punuan me mjete rrethanorë për të neutralizuar flakët.

Gjithashtu mëngjesin e sotëm është arritur të lokalizohen flakët në Lunxheri , ndërsa zjarri ka shkaktuar një bilanc të rënduar të kullotave në fshatrat Qesarat, Dhoksat dhe Valare të Gjirokastrës. Në Lunxheri janë djegur 40 hektarë kullota dhe 500 rrënjë arrore, dru frutore dhe vreshtari.

Sakaq Policia e Gjirokastrës ka rënë në gjurmët e tre piromaneve ku dy prej tyre janë identifikuar dhe pritet arrestimi i tyre.