Gjatë konferencës së përbashkët për media me presidentin Erdogan, kryeministri Edi Rama nuk la pa përmendur edhe komentet e qytetarëve. Rama tha se e kanë bërë për të qeshur një komentet, i cili i tha shyqyr që s’je mysliman, se kaq shumë sa rri me presidentin e Turqisë, kushedi çfarë do thoshin ata të BE-së.
Rama u shpreh se përtej teorive konspirative roli i Turqisë është i pazëvendësueshëm si valvul sigurie për BE-në.
“Më bëri për të qeshur vërtet komenti i një qytetari, i cili thoshte shyqyr që nuk je mysliman se kaq shumë sa rri me presidentin e Turqisë, po të ishe mysliman kushedi çfarë do të thoshin ata të BE-së. Në fakt nuk jam, jam katolik, gjysmën time më të mirë e kam myslimane. Unë nuk besoj se kushdoqoftë në Shqipëri apo BE duhet të shqetësohet për këtë marrëdhënie mes dy vendeve, sepse kjo është marrëdhënie tradiacionale. Edhe kur Shqipëria ishte një vend shumë i mbyllur, marrëdhënia me Turqinë ishte aty si vazhdimësi e një traditë. Kur vjen puna te marrëdhënia ime me Erdogan, janë për të qeshur ato që thuhen. Thuhen jo vetëm nga konspiracionistë por edhe njerëz seriozë në BE. Por e vërteta është që janë disa gjëra që nuk zhbëhen.
Nuk di një qeveri tjetër, përveç qeverisë së Erdoganit kryeministër asokohe të jetë ndjekur në sesion të jashtëzakonshëm për të ndjekur direkt punimet e parlamentit të Kosovës dhe për ta njohur Kosovën në mbledhjen e qeverisë së vet si shtet sovran dhe të pavarur. Përtej teorive të konsiperacionit mendoj që roli i Turqisë në rajon, është një rol konstruktiv në funksion të paqes. Ka qenë privilegj që unë kryeministri i një vendi të vogël, pavarësisht gjatësisë të marr kohë nga Presidenti i Republikës së Turqisë. Por kurrë asnjëherë nuk jam ndjerë në bisedë si përballë dikujt që të jep leksione, dhe kam parë nga këta, që të jep receta të gatshme sesi jepet puna, apo që të vë në pozita të vështira duke të kërkuar gjëra që mund të mos kesh dëshirë fare t’i dëgjosh. Mos e harrojmë asnjëherë që BE pa Turqinë do të ishte në një situatë që mund të mos i ngjante fare asaj që është sot, për keq. Turqia është një valvul e pazëvendësueshme sigurie për BE-në”, tha Rama.
