Ngjarje e tensionuar ka ndodhur në afërsi të Tiranës, ku 33-vjeçari Jetmir Koleci dyshohet se ka kryer një atentat me armë zjarri ndaj shtetasve Ilir dhe Astrit Halili. Ngjarja ka nisur si pasojë e një sherri për motive të dobëta mes tyre, të nisur pasi Koleci është parë të kalojë me shpejtësi në një rrugë ku po ndërtohet një pallat nga Halilit.

Konfrontimi ka shkaktuar tensione, dhe sipas dëshmisë së Halilit, Koleci ka qëlluar me pistoletë drejt ajrit për të shkaktuar frikë. Megjithatë, sipas dëshmisë së Halilit, Koleci ka qëlluar në drejtim të tyre. Policia është njoftuar dhe po punon për arrestimin e Kolecit.

Mësohet se e gjitha ka nisur si pasojë e një sherri për motive të dobëta mes tyre. Jetmir Koleci po kalonte në një rrugë ku po ndërtohet një pallat nga Ilir Halili dhe Astrit Halili. Këta të fundit kanë tentuar ta ndalojnë pasi sipas tyre ka ecur me shpejtësi dhe ka xhiruar gomat.

Koleci është larguar më pas nga vendngjarja. Fatmirësisht nga të shtënat me armë zjarri nuk ka persona të lënduar, ndërsa policia ka sekuestruar automjetin tip “Golf”, i autorit të dyshuar dhe po punojnë për arrestimin e tij.

Çfarë njofton policia e Kamzës?

“Më datë 24.12.2023, në rrugën “OSBE”, në Kamëz, shtetasi J. K., 33 vjeç, dyshohet se ka qëlluar me armë zjarri në drejtim të shtetasve I. H., 45 vjeç, dhe A. H., 39 vjeç, dhe më pas është larguar.

Nga të shtënat me armë zjarri nuk ka persona të dëmtuar. Në cilësinë e provës materiale është sekuestruar automjeti tip “Golf”, i autorit të dyshuar, dhe vijon puna nga shërbimet e Policisë, për kapjen e tij. Grupi hetimor po punon për sqarimin e rrethanave të ngjarjes”, njofton policia.