Berisha bëri krahasimin mes ngjarjeve të ndodhura në Sri Lankë dhe situatës në Shqipëri. Duke krahasuar borxhin publik dhe korrupsionin qeveritar, ish kryeministri nënvizoi se të gjithë treguesit ishin të njëjtë mes dy vendeve dhe se kjo ishte një situatë alarmi për familjet shqiptare.

Sali Berisha: Shqipëria dhe Sri Lanka ngjajnë si dy pika uji. Ajo që patë atje dhe kjo që po ndodh në Shqipëri, kanë të njëjtat shkaqe. Sri Lanka para dy vitesh kishte borxhin 91%, sot e ka 190%. Shqipëria para një viti e kishte 81% sot e ka 107%. Në Sri Lankë paratë e vjedhura ishin futur nëpër valixhe të pallatit presidencial. Në Shqipëri paratë e vjedhura futen nëpër llogaritë e pensionistëve apo njerëzve të vdekur. Në Shqipëri u rritën çmimet më shumë se në Sri Lankë dhe kjo ka ardhur nga vjedhjet e qeverisë. Eurostat, ka faktuar se produktet e bulmetit në Shqipëri janë 7% më të shtrenjta krahasuar me vendet e BE ku qytetarët i kanë rrogat disa fish më të larta. Sirenat e alarmit po bien në çdofamilje shqiptare. Të gjithë po presin nga ne, çfarë përgjigjie do u japim.