Republika Arabe e Sirisë ka njohur sot pavarësinë dhe sovranitetin e Republikës së Kosovës, duke u bërë një nga vendet më të fundit që i bashkohet listës së shteteve që e njohin Kosovën si shtet të pavarur.

Presidenti Bajram Begaj ka përshëndetur këtë vendim, duke e konsideruar si një hap të rëndësishëm në mbështetje të shtetit të Kosovës, si dhe të paqes dhe stabilitetit në rajonin e Ballkanit.

“Republika Arabe e Sirisë njohu sot zyrtarisht pavarësinë dhe sovranitetin e Republikës së Kosovës. Me këtë vendim, Siria mbështeti shtetin e Kosovës dhe paqen e stabilitetin në Ballkan. Faleminderit të gjithë atyre që e mundësuan këtë njohje!” – shkroi Presidenti Begaj.

Ky hap i fundit forcon pozicionin ndërkombëtar të Kosovës dhe është vlerësuar si një sinjal pozitiv për marrëdhëniet diplomatike në rajon.