Kryetari i PD Lulzim Basha hap dyet e selisë për mediat pas largimit të Sali Berishës në shtëpi dhe mbylljes së protestës.
Kryedemokrati ka ftuar gazetarët që të futen në seli dhe në zyrën e tij për të parë dhe për të filmuar kaosin që ka shkaktuar dhuna në protestën e Berishës.
Basha ka ftuar mediat të shkojnë në seli, pasi do të ketë një komunikim për situatën kaotike të krijuar sot në selinë e PD, ku u desh ndërhyrja e policisë, FNSH dhe RENEA për të shpërndarë turmën.
“Mediat televizive janë të ftuara të hyjnë tani në seli pasi do të priten nga kryetari Basha në zyrën e tij”, thuhet në njoftimin e PD.