Ish-finalistja e Big Brother VIP Kosova 3, Xheneta Fetahu, vazhdon të jetë në qendër të vëmendjes për shkak të lidhjes së saj të dikurshme me Gjestin, i cili aktualisht ndodhet në shtëpinë e Big Brother VIP Albania.

Një ndjekës e ka akuzuar Xhenetën për “propagandë” kundër Gjestit, duke pretenduar se ajo po vazhdon të ndikoje negativisht mbi të, edhe pas ndarjes.

“Ja ke shkatërruar jetën njeriut në Big Brother dhe prapë vazhdon edhe jashtë me propagandë kundër tij… Ska me qenë i yti kurrë,” – shkroi ndjekësja.

Xheneta nuk e la pa përgjigje dhe reagoi ashpër: “Mas un ja pasna ‘shkatrru’, shko ndreqja ti. Gjithë këtë mllef në 2 të natës”, duke e ironizuar komentuesen për shqetësimin e saj në mes të natës.

Xheneta dhe Gjesti kanë pasur një marrëdhënie të përfolur, e cila përfundoi me shumë polemika. Megjithëse ajo ka qenë jashtë shtëpisë për disa kohë, duket se historia e tyre vazhdon të jetë në fokusin e publikut dhe fansave.

Pritet të shihet nëse Xheneta do të vazhdojë të reagojë ndaj komenteve të tilla, apo nëse do të preferojë t’i lërë pas këto diskutime.