Zbërthimi i aplikacionit të kriptuar SKY ECC ka shpërthyer në një skandal të madh në Shqipëri, duke përfshirë zyrtarë të lartë shtetërorë, drejtues policie, biznesmenë, dhe kriminelë. Pas këtij zbulimi, u shpallën 11 urdhërarreste, me 5 persona të arrestuar dhe 6 të tjerë në kërkim.
Në mes të të arrestuarve dalin emrat e njohur si ish-zv.Drejtori i Policisë së Tiranës, Erzen Breçani, shefi i komisariatit nr.6 Dedan Gjoni, një zyrtarë i policisë kufitare, dhe Bujar Gërmizi.
Një pjesë e dosjes së zbardhur e SKY ECC tregon komunikimet e shefit të komisariatit nr.6, Dedan Gjoni, i përfshirë në fushatë elektorale dhe duke kërkuar vota për kandidatët e tij.
Në një bisedë të datës 5 mars 2021, Dedan Gjoni kërkon ndihmën e një përdoruesi të SKY për të siguruar vota për Myslym Murrizin, një kandidat i njohur. Oficeri i policisë kërkon vota nga Shqiptarët në Britaninë e Madhe dhe Spanjë, duke shprehur nevojën për angazhimin e tyre në fushatën zgjedhore.
Biseda tregon se Dedan Gjoni kërkon jo vetëm vota, por edhe angazhimin e njerëzve në Shqipëri për të mbështetur kandidatin Myslim Murrizi, i cili ishte shkëputur nga Partia Demokratike dhe kandidonte nën një koalicion tjetër.
Skandali nxjerr në dritë shfrytëzimin e një aplikacioni kriptuar nga zyrtarë të lartë të policisë për qëllime politike dhe shkeljen e integritetit zgjedhor.
Pjese nga biseda:
Dedan Gjoni –Si te kam.
J… Ca bëre shok….mir je…un mir qetësi pz…
Dedan Gjoni: -Shok do me ndihmosh me vota
J …hahaha.në kdo momente nuk e di me ko je pz…kam shum dyshime per ty…
Dedan Gjoni– Me Myslym Murrizin Shok sa te kem mundesi do e ndihmoj….
J… Më pëlqen…kam simpati…
Dedan Gjoni–Eshte i vetmi që kam mik e detyrim…Me ndihmon mua……A më ke shok…
J…Nja 15. ota ti jap nga valencia online…kto që kam me dokumenta..
Dedan Gjoni: Ore në Tiranë. Hahah. Jepi urdhër babes nipit fortë… Hahaha…
J- Aty do jem per vitime…
Dedan Gjoni: Ok shok… Mirardhsh…”
Të njëjtën bisedë Dedan Gjoni ka bërë dhe me Ismail Zenelin, në kërkim si i dyshuar i përfshirë në këtë grup kriminal.
Po ashtu i kërkon edhe përdoruesit Ismail Zeneli, në orën 19:41:17 që familjarët e tij dhe ai vetë të investohen për vota për subjektin që përfaqëson Myslim Murrizi. Ata shkëmbejnë mesazhet:
Dedan Gjoni: Sot isha me deputetin…Do na ndohmosh me vota… Me sa njerez ke….Se e kemi mik te mire…
Ismail Zeneli: Qa je ti?
Dedan Gjoni: Une demokrat jam….Por i duam per partine e myslimit…E kam sh mik Murrizin
Ismail Zeneli -audiofile “shko fol me ate byrazelin atje ne bathore e ti gjajne ai nja 200 vota se a demokrat me ate byrazelin tem me ate shoferin e kamioni. 200+-Fol ti me te.. Se myslimi eshte ndare nga pd….Por e djathte eshte…Fol nje here ti me te..
Ismail Zeneli: -Ok ok… Pa merak…”
Më 17 nëntor 2023 GJKKO firmosi 11 urdhërarreste nga të cilat 5 u ekzekutuan mbrëmjen e 20 nentorit, ndërsa 6 janë në kërkim. Dyshohet se 4 prej tyre ndodhen në Spanjë.
Në pranga nga operacioni i SPAK janë ish-zv.drejtorin e Policisë së Tiranës, Erzen Breçani dhe shefin e Krimeve në Komisariatin numër 6, Dedan Gjoni, ndërsa në kërkim janë Eralbi Breçani, djali i Erzen Breçanit, Ervin Mata, Ismail Zeneli, Bajram Grabova, Artan Sulejmani, Albert Prenga.
