Partia Demokratike ka reaguar pas kërkesës së socialistëve për përjashtimin e 6 deputetëve, pas tensioneve në seancën e kaluar të Kuvednit.
PD ka listuar disa nga shkeljet në këtë kërkesë, ku thekson se firmëtar është edhe Baftjar Zeqja, i cili u kap nga media duke votuar edhe për kolegen që nuk ndodhej në seancë.
Më tej në reagim thuhet se socialistët janë sërish në shkelje pasi kërkojnë mbledhjen e Sekretariatit jashtë afatit, 4 ditë pas dorëzimit të kërkesës.
Reagimi i PD:
Deputetë të PS kërkojnë përjashtimin e 6 deputetëve të tjerë të opozitës.
Kërkesa mban firmëtar të parë Baftjar Zeqajn i cili u kap nga media duke shkelur Rregulloren e Parlamentit pasi votoi hapur për kolegen socialiste e cila nuk ndodhej në seancë.
Me këtë kërkesë rreth gjysma e grupit parlamentar të PD është përjashtuar nga seancat e fundit parlamentare. Seancën e së enjtes nuk do të jenë prezentë 8 deputetë mes tyre Kryetari i PD Sali Berisha dhe Sekretari i Përgjithshëm i PD Flamur Noka.
Me një akt të papreçedentë, socialistët në mungesë argumentash mbrojtës për skandalin e lidhjeve korruptive të Edi Ramës dhe McGonigal, kanë zgjedhur që çdo seancë të përjashtojnë deputetë të opozitës.
Socialistët sërish në shkelje kërkojnë mbledhjen e Sekretariatit jashtë afatit, 4 ditë pas dorëzimit të kërkesës.
Sipas Rregullores, sekretariati duhej të ishte mbledhur 48 orë pas dorëzimit të kërkesës së deputetëve socialistë, pra më datë 19 shkurt.
Sekretariati për Proçedurat dhe Votimet e pritet të përjashtojë deputetët e PD.
Edmond Spaho
Elda Hoti
Sorina Koti
Oerd Bylykbashi
Lindita Metaliaj
Greta Bardeli
