I pyetur mbi arrestimin e ish-ministrit të brendshëm Saimir Tahiri, Luigi Soreca u përgjigj se nuk preferon të komentojë mbi procese që nuk kanë përfunduar.

Megjithatë Ambasadori i BE-së në Tiranë u shpreh se vendimet e fundit të Gjykatave janë sinjal i mirë për drejtësinë.

Si e komentoni arrestimin e ish-ministrit të brendshëm Saimir Tahiri?

Soreca: Ju nuk e dini që nuk e kam zakon të bëjë deklarata për procese që nuk kanë përfunduar, por mund të them që duke parë disa nga vendimet e fundit të gjykatave dhe shihet pavarësi në sistemin gjyqësor.

-Shohim shenja të mira të progresit, puna e gjyqtarëve dhe prokurorëve. A është kjo e mjaftueshme? Jo! Ne presim akoma më shumë nga institucionet që janë të përfshirë në sistemin e drejtësisë.