Opozita do të zhvillojë sot protestën e radhës kombëtare. Tubimi është njoftuar të mbahet në orën 12:00. Ndërkohë po ditën e sotme Apeli pritet të japë vendimin sa i takon vulës së PD. Kreu i PD Sali Berisha ka mohuar që kjo protestë të ketë lidhje me vendimin e gjykatës por me kreministrin Edi Rama.

Sakaq protesta vjen një ditë pas zhvillimit të mocionit me debat në Kuvend në lidhje me cështjen Rama-McGonigal.

Kryeministri në një fjalim rreth 45 minuta mohoi akuza ndërsa për kreun e PD Rama është një “kufomë politike”.

Mësohet se një pjesë e demokratëve dhe mbështetësve të kryedemokratit Sali Berisha do të mblidhen fillimisht në selinë blu, ndërsa pjesa tjetër e protestuesve do të jenë të shpërndarë në bulevardin ‘Dëshmorët e Kombit’.

Me daljen e Berishës dhe të kryetarit të Partisë së Lirisë Ilir Meta nga zyrat përkatëse, do të gjithë do të marshojnë drejt Kryeministrisë, aty ku pritet të jetë dhe kulmi i protestës.

Teksa është thirrur protesta e opozitës, Policia e Shtetit ka bërë të ditur se nga ora 10:00 do të bllokohen disa rrugë deri në përfundim të tubimit.

Rrugët ku do të bllokohet qarkullimi: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.