Do të përcillet sot për në banesën e fundit, përmes një ceremonie të ngushtë familjare, princi Philip, bashkëshorti i mbretëreshës Elisabeth II. Philip, Duka e Edinburgut u nda nga jeta në moshën 99-vjeçare të premten e kaluar.

Më shumë se 730 anëtarë të forcave të armatosura po marrin pjesë në këtë ngjarje, por ka një kufi prej 30 personash për në Kapelën e Shën Gjergjit, sipas rregullat e Covid.

Varrimi ceremonial mbretëror do të transmetohet në BBC One, me mbulim që fillon në 12:30 BST. Shërbimi në vetvete do të fillojë pas një minutë heshtje kombëtare në orën 15:00. Trupi i tij tani është duke pushuar në kishëzën private në Kështjellën Windsor përpara se të zhvendoset në State Entrance.

Ai do të vendoset mbi një Jaguar Land Rover të modifikuar, makinë që vetë duka ndihmoi për ta projektuar dhe do të ketë një procesion një distancë të shkurtër deri në Kapelën e Shën Gjergjit.

Shërbimi i varrimit do të drejtohet nga Dekani i Windsor, me Kryepeshkopin e Canterbury që jep bekimin.