Spanja është përsëri në tronditje dhe zi, pas një serie aksidentesh hekurudhore që kanë lënë dhjetëra të plagosur dhe viktima.

Më 18 janar, 42 persona humbën jetën në tragjedinë e rëndë në Antamuth, ndërsa dy aksidente të tjera gjatë javës kanë shqetësuar sërish publikun.

Të martën vonë, një person vdiq dhe 37 u plagosën, pesë prej tyre në gjendje kritike, kur një tren periferik u përplas ballë për ballë me një mur mbajtës të rrëzuar mbi shinat, pranë qytetit Gelida, rreth 35 km nga Barcelona. Viktimë mbeti drejtuesi i trenit.

Po të martën, një tren me 10 pasagjerë doli nga shinat në provincën Gironë, për shkak të gurëve mbi binarë, por nuk pati të lënduar.

Ndërkohë, hetimet mbi tragjedinë në Antamuth vijojnë, duke u fokusuar në dy skenarë: defekt të infrastrukturës hekurudhore ose problem teknik në tren. Ministri i Brendshëm, Fernando Grande-Marlaska, njoftoi se shinave dhe rrotave të trenit Iryo do t’u nënshtrohen analizave laboratorike për të identifikuar shkakun e rrëshqitjes.