Policia Lokale e Castell d’Aro, Platja d’Aro dhe s’Agaró ka vënë në pranga më 22 dhjetor një shtetas shqiptar, i dyshuar për kultivimin e 709 bimëve marihuane brenda banesës së tij.

Hetimet filluan disa javë më parë, pas dyshimeve për lëvizje të pazakonta të personave në zonë. Kontrolli i banesës nxorri në dritë një plantacion të organizuar, ku instalimet elektrike ishin manipuluar për të fshehur konsumimin e rrymës, me dëme të vlerësuara rreth 75 mijë euro.

I arrestuari u akuzua për trafikim të lëndëve narkotike dhe mashtrim me energji elektrike. Ai u paraqit para gjykatës, ndërkohë që hetimet vijojnë për të identifikuar të gjithë personat e përfshirë në këtë aktivitet kriminal.