Italia shkon në finalen e Kampionatit Europian. Azurrët fituan pas goditjeve të penalltive kundër Spanjës në “Wembley”.
Koha shtesë nuk prodhoi gola, teksa më pas skuadrat iu drejtuan 11 metëshave, ku djemtë e Roberto Mancinit u treguan më të saktë se iberikët, duke shkuar më tej.
Përsa i përket kohës së rregullt, pjesa e parë përfundoi në barazim 0-0, ndërsa në të dytën u shënuan dy gola.
Fillimisht ishin azurrët që kaluan në avantazh me anë të Federico Chiesa-s në minutën e 60-të, ndërsa spanjollët arritën të barazonin në të 80-të, falë golit të Alvaro Morata-s.
Spanjollët luajtën më mirë në pjesën e parë. Bënë më shumë presing, madje patën një rast të mirë me Dani Olmo, por portieri Donnarumma bëri mrekullinë. Olmo provoi edhe njëherë tjetër, por shumë lart mbi tra herën e dytë.
Italia u shfaq rrezikshëm në dy raste. Megjithatë, axurrëve u munguan goditja në portë, asnjë të tillë deri në minutën e 45-të, kur Emerson Palmieri tronditi traversën. Pjesa e parë u mbyll pa gola.
E dyta nis pak a shumë si e para. Janë dy herë spanjollët që kërcënojnë, ku Busquets për pak sa shënon. Për të ardhur te kundërsulmi i italianëve në 60’, ku mbyllet me supergolin e Chiesa. Loja ndizet edhe më shumë.
