Një ngjarje e pazakontë ka ndodhur sot në Gjirin e Lalzit, ku një struc rreth dy metra i gjatë është parë duke lëvizur i lirë në zonë. Dëshmitarët raportojnë se shpendi, i cili nuk është vendas, mund të jetë arratisur nga një fermë apo qendër private.

Struci ka tërhequr vëmendjen e pushuesve dhe kalimtarëve, të cilët janë ndalur për ta fotografuar dhe filmuar. Ende nuk ka informacione të sakta mbi pronësinë e tij, por autoritetet lokale dhe banorët po përpiqen të identifikojnë të zotin.

Autoritetet: Mos u afroni shumë, struçi mund të reagojë papritur

Duke qenë se struçi nuk është një shpend vendas dhe zakonisht mbahet në ferma apo kopshte zoologjike, prania e tij në rrugë është e pazakontë dhe potencialisht e rrezikshme. Ekspertët kanë këshilluar qytetarët të mos afrohen shumë, pasi struçi mund të ndjehet i frikësuar dhe të reagojë papritur.

Ndërkohë, banorët dhe autoritetet po monitorojnë situatën dhe po përpiqen të rikthejnë shpendin në habitatin e tij të sigurt.