Një studim i kryer në Shqipëri ka nxjerrë në pah realitetin dhe perceptimet e grave në shoqëri. Në fushën e politikës, gratë shqiptare shfaqin një interes të ulët, me vetëm 22% e tyre të përfshira aktivisht. Gjetjet e studimit tregojnë se 78% e grave shqiptare shohin veten kryesisht në rolin e familjes, duke e vlerësuar mëmësinë mbi karrierën.

Monika Kocaqi, një nga bashkautorët e studimit, theksoi se gratë në Shqipëri kanë tendencë të përfshihen më shumë në pritshmëritë shoqërore kur i japin më shumë rëndësi mëmësisë se karrierës, dhe ky trend nuk lidhet me çështje shëndetësore.

Gjithashtu, studimi ka konstatuar se barazia gjinore nuk është një nga tri vlerat kryesore të grave shqiptare, dhe të dhënat e nxjerra mund të ndikojnë në orientimet dhe mbështetjen që do të ofrohet ndaj grave në të ardhmen.

“Drejtësia gjinore dhe mbështetja për të drejtat e grave është shumë e rëndësishme për ne sepse e cilësojmë një pjesë integrale të drejtësisë sociale. Besojmë se një shoqëri e lirë, e drejtë dhe solidare nuk mund të ekzistojë pa një drejtësi gjinore. Donim një studim, mbi situatën e grave, perceptimeve të tyre apo kërkesave në fusha të ndryshme që ta bazojmë punën tonë në të ardhmen mbi këto të dhëna”, tha Stine Klapper, drejtore e “FriedrichErbert”.
1000 gra nga i gjithë vendi janë pyetur për besimin, punën, arsimin, traditat, sigurinë, politikën dhe shëndetin ndërsa studimi nxjerr në pah se stereotipet dhe pabarazia janë ende të pranishme.