Irlanda është tronditur ditën e sotme pasi një person ka sulmuar me thikë disa persona në Dublin. Ngjarja ka ndodhur në sheshin Parnell në veri të kryeqytetit, ku pesë persona raportohen të plagosur, përfshirë tre fëmijë të vegjël.

Një nga fëmijët dhe një grua pësuan lëndime të rënda dhe janë duke luftuar për jetën, ndërsa dy fëmijët e tjerë dhe një burrë janë jashtë rrezikut. Burri raportohet se hyri mes turmës ku ndodheshin fëmijët dhe sulmoi këdo që i dilte para, deri sa disa kalimtarë ndërhynë dhe e shtrinë në tokë.

Sipas mediave vendase, autori më pas është arrestuar, ndërsa policia po punon për të zbuluar shkakun që autori e kreu këtë sulm. Aktualisht nuk dyshohet se është sulm terrorist, por hetimet vijojnë dhe priten të zbardhen të tjera detaje.