Një sulm i rëndë me thikë ka ndodhur këtë të premte në stacionin kryesor të trenit në Hamburg, Gjermani, ku të paktën 12 persona kanë mbetur të plagosur. Policia konfirmoi se tre prej viktimave janë në gjendje kritike, tre të tjerë janë plagosur rëndë, ndërsa gjashtë kanë marrë lëndime më të lehta.

Sipas medias gjermane Bild, një grua është arrestuar nga policia federale në lidhje me ngjarjen. Forcat e rendit janë ende në vendngjarje dhe po hetojnë rrethanat e incidentit. Nuk dihen ende motivet e sulmit, ndërsa autoritetet kanë intensifikuar masat e sigurisë në zonë.