Forca paqëruajtëse e Bashkimit Europian në Bosnjë, Eufor ka njoftuar se Franca do të kryejë fluturime stërvitore me avion të shpejtë mbi Bosnjë, mes përkeqësimit të situatës së sigurisë ndërkombëtare.
“Aeroplanmbajtësja Charles de Gaulle aktualisht po kryen trajnime operacionale në Detin Mesdhe.
Që nga e hëna e 7 marsit avionic Rafale do të kryejë fluturime në Ballkanin Perëndimor, përfshirë Bosnjë-Hercegovinën”.
Ky lajm vjen pasi BE javën e kaluar njoftoi se po rriste forca e saj në Eufor për të parandaluar paqëndrueshmërinë e mundshme pas pushtimit të Ukrainës.
Bosnja po përballet me një separatise serbe të Bosnjë, e cila duke se ka marrë mbështetje nga Moska, raportojnë mediat e huaja. Ashtu si Ukraina edhe Bosnja prej kohësh ka bërë thirrje të bashkohet me NATO-n.
Moska tha në mars të vitit të kaluar se do të reagonte nëse Bosnja do të ndërmerrte hapa drejt bashkimit me aleancën ushtarake të udhëhequr nga SHBA.Serbët e Bosnjës, të udhëhequr nga pro-rusi Milorad Dodik, duan që vendi të mbetet neutral dhe të qëndrojë jashtë NATO-s, shkruajnë mediat e huaja.
Dodik, i cili është anëtar serb i presidencës trepalëshe të vendit, ka iniciuar krizën më të keqe politike të Bosnjës që nga fundi i luftës së saj në vitet 1990, duke sfiduar institucionet shtetërore si pjesë e përpjekjes për një kohë të gjatë të serbëve për t’u shkëputur dhe përfundimisht për t’u bashkuar me Serbinë fqinje.
