Presidenti serb Aleksandër Vuçiç,  ka reaguar sërish për situatën në Europë pas sulmeve rusë në Ukrainë.

Ndonëse më herët Vuçiç ishte shprehur se Serbia nuk ka arsye për t’u shqetësuar, tashmë  duket se ka ndryshuar mendim.

Vuçiç thotë se situata po përkeqësohet dhe se për shkak të konfliktit në Ukrainë situata në botë dhe në Europë po bëhet edhe më e vështirë.

Më tej presidenti serb bëri me dije se po merren të gjitha masa për të siguruar një jetë normale qytetarëve të vendit.

“Të dashur qytetarë të Serbisë, situata në Evropë dhe botë për shkak të konfliktit në Ukrainë po përkeqësohet. Kjo është arsyeja pse dhe në përputhje me rrethanat, udhëheqja serbe po merr të gjitha masat e nevojshme për të siguruar një normalitet në jetën e qytetarëve.”, ka thënë Vuçiç.