“Sunny Hill Festival” do të nisë sot dhe do të përfundojë të dielën, më 28 korrik. Këtë vit, festivalin e njohur kulturore verore do të zhvillohet në një lokacion të ri, në Bërnicë.

Të gjitha përgatitjet janë përfunduar, dhe lista e artistëve që do të performojnë është publikuar në faqen zyrtare të festivalit. Ndër kryesorët e këtij edicioni janë Bebe Rexha, Stormzy, DJ Snake, Black Coffee, The Martinez Brothers, Groove Armada dhe The Blaze. Po ashtu, do të performojnë edhe artistë të tjerë të njohur si Adrian Berisha, Buta, Capital T, Dafina Zeqiri, Dani Johnsson, Dhurata Dora, Geek, Ledri Vula, Lyrical Son, MC Kresha, Mozzik, PM to the Dagz dhe Yll Limani.

Bebe Rexha ka mbërritur të martën në Kosovë për herë të parë dhe ka shprehur entuziazmin e saj për këtë ngjarje. Ndërkohë, Dua Lipa ka njoftuar në Instagram se mezi po pret të kthehet në vendlindje për të marrë pjesë në festival, duke thënë: “Mezi po pres të kthehem në vendlindje, në Prishtinë. Jam shumë e emocionuar. Shihemi atje.”