Miroslav Lajçak, i dërguari i posaçëm i Bashkimit Evropian për dialogun Kosovë – Serbi, ka bërë të ditur se kryenegociatorët nga Kosova dhe Serbia, Besnik Bislimi dhe Petar Petkoviç, do të jenë të pranishëm në Bruksel këtë javë.

Në një deklaratë për media, Lajçak shprehu shpresën e tij për arritjen e përparimeve gjatë takimit të së enjtes, duke shtuar se synimi është të kapërcehen dallimet e mbetura.

“Të dyja palët do të jenë në Bruksel këtë javë dhe shpresoj se do të jemi në gjendje të kapërcejmë mosmarrëveshjet e mbetura të enjten për gjetjen e një zgjidhjeje të zbatueshme për njerëzit e prekur nga vendimi i Bankës Qendrore të Kosovës,” – shkroi Lajçak në deklaratën e tij.

Kjo takim vjen në një moment të rëndësishëm për dialogun Kosovë-Serbi, duke shënuar një hap në përparimin e bisedimeve dhe gjetjen e zgjidhjeve të përbashkëta për çështjet e ndërlikuara mes dy vendeve.