Artistja e njohur me origjinë shqiptare, Dua Lipa, ka bërë thirrje për ndalimin e sulmeve në Gaza përmes një postimi në Instagram. Ajo shkroi:

“Të digjen të gjallë fëmijët nuk mund të arsyetohet asnjëherë. E gjithë bota po mobilizohet për të ndaluar gjenocidin e Izraelit. Ju lutemi tregoni solidaritetin tuaj me Gazën”.

Reagimi i Dua Lipa vjen pasi ushtria izraelite ka intensifikuar operacionet ushtarake në qytetin jugor të Gazës, Rafah. Këngëtarja gjithashtu në tetorin e vitit të kaluar nënshkroi një letër të hapur duke i kërkuar presidentit amerikan, Joe Biden, të bënte thirrje për një armëpushim në Gaza.