Zonja e Parë e Ukrainës, Olena Zelenska, ka deklaruar i gjithë vendi është nën stres të vazhdueshëm.

Komentet e saj vijnë disa orë pasi një numër sulmesh me raketa u raportuan në vend, duke përfshirë rajonin e Kievit.

“Ne kemi qenë nën stres të vazhdueshëm që nga 24 shkurti,” tha ajo për BBC.

Zelenska thotë se qeveria po ndihmon ukrainasit të marrin ndihmë për shëndetin e tyre mendor dhe po ndihmohet nga OBSH.

“Kemi nevojë për ndihmë të ekspertëve dhe kjo është arsyeja pse ne i jemi drejtuar OBSH-së”, deklaroi ajo.

Zelenska, e cila është mjaft diskrete, ka diskutuar daljen e saj të fundit në Vogue. Ajo tha se ishte një mundësi e madhe për të folur për Ukrainën.

“Miliona njerëz lexuan Vogue dhe të flisja drejtpërdrejt me ta ishte detyra ime. Ishte një përvojë interesante”, tha ajo. “S’jam mësuar me vëmendje. Të gjithë po luftojnë në vijën e parë dhe kjo është punë, unë duhet ta bëj.”