Lezhë – Pasditen e kësaj të enjteje, të shtëna me armë zjarri janë raportuar në fshatin Balldre të Lezhës.

Sipas burimeve paraprake, një i ri rreth 25 vjeç, i identifikuar si Romario Brunga, është gjetur i pajetë brenda një automjeti. Mësohet se ai ka marrë një plumb në trup, ndërsa makina nuk ka dëmtime nga jashtë, duke ngritur dyshime mbi rrethanat e ngjarjes.

Aktualisht, autoritetet po hetojnë nëse bëhet fjalë për vetëvrasje apo vrasje, ndërsa grupi hetimor ndodhet në vendngjarje për të zbardhur rrethanat e plota të incidentit.