Një ngjarje e rëndë ka ndodhur mbrëmjen e djeshme në Prishtinë, ku një person ka mbetur i vrarë dhe një tjetër është plagosur pas të shtënave me armë zjarri.

Sipas raportimeve nga autoritetet spitalore, viktima, Naser Gashi, 62 vjeç, ka ndërruar jetë për shkak të plagëve të marra, ndërsa i plagosuri, Miftar Miftari, 41 vjeç, ndodhet në gjendje stabile në repartin e reanimacionit. Përveç plagëve nga arma e zjarrit, viktima ka pasur edhe një plagë të shkaktuar nga një mjet prerës.

Autori i identifikuar, por ende në kërkim

Policia e Kosovës ka konfirmuar se ka identifikuar autorin e dyshuar të ngjarjes, i cili është shpallur në kërkim. Bëhet fjalë për shtetasin Alban Gashi, i cili dyshohet se ka hapur zjarr mbi viktimën dhe të plagosurin.

Zëdhënësi i Policisë, Ahmeti, deklaroi:

“Rreth orës 22:30, kemi pranuar informatën për të shtëna me armë në rrugën ‘Rrustem Hyseni’ në Prishtinë. Hetuesit policor janë duke ndërmarrë të gjitha masat për kapjen e të dyshuarit.”

Policia dhe institucionet hetimore vijojnë punën për zbardhjen e plotë të rrethanave të ngjarjes, ndërsa ende nuk janë dhënë detaje për motivin e sulmit.