Të shtëna me armë zjarri janë dëgjuar në lagjen Don Bosko të kryeqytetit, ku nga informacionet paraprake raportohet se ka ndërruar jetë 1 person, si dhe janë plagosur 3 të tjerë.

Dyshohet se viktimat dhe të plagosurit ndodheshin së bashku të ulur në lokal dhe ata janë qëlluar me armë nga jashtë, nga persona të paidentifikuar.

Autorët janë larguar me urgjencë, ndërkohë që janë ngritur pika kontrolli për kapjen e tyre. Policia po merr në pyetje dëshmitarët e pranishëm në vendngjarje, si dhe po sekuestron kamerat e sigurisë për të hedhur dritë mbi atë që ka ndodhur.